الثلاثاء، 26 أبريل، 2016

كەلێنێكی ئێمنایەتی لە سیستەمی ویندۆز دەبێتە هۆی خستنەكاری بەرنامەكان لە دوورەوە

ڕاوێژكارێكی ئاسایشی ئەنتەرنت لە رێكخراوی فرۆنت لاین دیفیندەرز ئەوەی ئاشكرا كرد كە سیستەمی وەگرخستنی ویندۆز Windows كەلێنێكی ئاسایشی تێدایە كە وا دەكات لە دوورەوە  بەرنامەكانی Apps بخرێنەكار . 


بە پێی زانیاری رێكخراوەكە لێكۆڵەرێكی رێكخراوەكە كەلێنێكی لە سیتەمەكە دۆزیوەتەوە كە بوار دەدات چەتەكان هەموو سیستەمەكانی پارێزگاری تێپەڕێنن‌و هەر بەرنامەیەك بیانەوێت لەسەر كۆمپیوتەرو لابتۆبەكەت لە دوورەوە بخەنەكار، بە بێ ئەوەی پێویستیان بە ئیمتیازاتی بەرپرس Administration ببێت . كەلێنەكە دەكەوێتە بەرنامەی Command Prompt ی تایبەت بە سیستەمی Regsvr32.exe و رێگە دەدات سیستەمی پارێزگاری لە بەرنامەی Windows AppLocker تێپەڕێنێت . 
باشترین چارەسەریش بۆ خۆ قوتاركردن لەم كەلێنە پەكخستنی بەرنامەی لە چوارچێوەی دیواری ئاگرینی پاراستنی ویندۆز Windows Firewell .