الأربعاء، 27 أبريل، 2016

یەك ملیۆن بەكارهێنەر خزمەتگوزاری (تۆر Tor) بۆ چوونە ناو فەیسبوكەوە بەكار دەهێنن



پەیجی Facebook over Tor ڕایگەیاند كە ژمارەی ئەو كەسانەی براوزەری تۆر بەكار دەێنن بۆ چونە ناو فەیسبوكەوە گەیشتە 1 ملیۆن بەكارهێنەر . 

پرۆژەی تۆر لە لایەن پرۆگرامەری خۆبەخشەوە بەڕێوە دەبرێت‌و بە ئامانجی پاراستنی زانیاری و ئێمنایەتی و سەلامەتی بەكارهێنەران و چالاكوانان و رۆژنامەنووسان . بە پێی زانیارییەكان ئەمساڵ دووبەرامبەر بەكارهێنەرانی خزمەتگوزاری تۆر (فەیسبوك ئۆنیۆن- براوزەری تۆر - Orbot) دوو ئەوەندە زیادی كردووە . 

وەك ئاماژەمان بۆ كرد براوزەری تۆر، لە لایەن پرۆگرامەری خۆبەخشەوە پەرەی پێدراوەو ئیمنایەتی و تایبەتمەندیتی دەپارێزێت لە رێگەی شاردنەوەی شوناس و شوێنی جوگرافی و  ئای پی، تەنانەت لە تۆڕی تۆر خۆیشی . 
شێوازی كاری براوزەری تۆر وەك هەموو براوزەرەكانی ترە، بەتەنها جیاوازی ئەویش پەیوەندییەكەت لە رێگەی پرۆژەی تۆرەوە دەبێت، ئەمەیش ئاستەنگ بۆ  كەس و لایەن و حكومەت دروست دەكات تا چاودێریت نەكەن و نەزانن تۆ لە كوێیت .